الشاب خالد يثير الجدل بالجلباب الصعيدي

الأحد، 10 يونيو 2018 ( 05:10 ص - بتوقيت UTC )

اثار الشاب خالد الجدل على مواقع التواصل الاجتماعي، بمجرد ظهوره وهو يرتدي الجلباب الصعيدي، ويقود "توك توك" في حارة شعبية مصرية، لكنه يغني بالفرنسية في أحد المقاطع، وذلك في إعلان خيري لصالح مستشفى سرطان الأطفال 57357.

ويقدم الشاب خالد خلال الإعلام أغنية بعنوان "ثمن حياة"، وهي من كلمات هاني عبدالكريم، وألحان محمد يحيى، وتوزيع هاني يعقوب، وتقول كلماتها "تمن حياة يساوي كام.. معرفش بس اللي اعرفه.. كل اللي ممكن تدفعه ده ميساويش.. معنى انتصار روح ع المرض.. بفضل ربي والمكان ده.. عرفنا ايه تمن الحياة.. تمن الحياة يساوي كام.. لما ترجع طفل يضحك.. وامه هتشوف ضحكته ترجع تعيش.. لما نشارك في المكان ده كلنا.. وتبقى واحد اسمه فاعل خير بناه.. هتلاقي ناس بتدعيلك.. مشوفتهومش ولا شافوك".

وكشف الصحافي محمود فوزي السيد، أحد صناع الإعلان، تعرض الشاب خالد لكسر في قدمه أدى لتغيير فكرة الإعلان، وذلك عبر تدوينة له عبر صفحته على موقع "فايسبوك" للتواصل الاجتماعي "يوم التصوير التاني، لأن الإعلان اتصور على يومين، الأول في المستشفى، والتاني فى لوكيشن الحارة المصرية، وبالظبط الساعة 10 ونص بالليل قبل تصوير أول مشهد كان الشاب خالد فى الكرفان بتاعه بيلبس أول طقم المفروض يظهر بيه فى الحارة وهو زي الراجل المصري الصعيدي الأصيل، لأن المفروض أنه كان يلبس 5 أطقم فى الحارة صعيدي، هندي، ماليزي، صيني، باريسي، وكان فرحان أوى بالفكرة وأصر على أنه يلبس لبس راجل صعيدي مصري أصيل، ونازل خالد من الكرفان وبيحاول يتكلم صعيدي ويهزر مع الناس.. وقع على رجله اليمين اتلوت تحته.. وقعد المساعد الشخصي بتاعه يحط له تلج على رجله وهو بيتألم بشكل رهيب".

ويضيف السيد "طلبنا منه نروح المستشفى نشوف رجله اللي ورمت جدا أو نلغي التصوير زي ما كتير من نجومنا بيقرروا لو ايديهم اتجزعت بس مش اتكسرت، قالنا يعني الأطفال اللي بنعمل لهم الإعلان مستحملين مرض السرطان.. أنا راجل كبير مش هستحمل علشانهم وقعة على رجلي، وطبعا كان فى صعوبة أو استحالة أنه يروح بعد كل شوت الكرفان ويغير اللبس علشان يلبس بقية الأطقم فكان القرار بالاكتفاء باللبس الصعيدي احتراما للراجل إللى احترمنا واحترم مصر ومستشفى أطفال فى مصر جاى من بره مخصوص يعملها إعلان متبرعا بأجره كامل".

وشهدت الـ"سوشال ميديا" عدداً من التعليقات على ظهور الشاب خالد بالجلباب الصعيدي للمرة الأولىوكأنه ينافس نجوم الدراما الرمضانية، فكتبت خميسة سالم "الله عليك يا شاب خالد إعلان أكثر من روعة ربنا يكرمك دنيا واخرة". وعلق محمود يوسف "إعلان جميل يهز الروح والشاب خالد بقى العمدة خالد الصعيدي روعاتك فى الجلابية الصعيدي". وغرد أشرف "أحلي صعيدي في مصر الشاب خالد". ودونت مي "إعلان الشاب خالد جميل، بس اللقطة اللي بيغني فيها فرنسي وهو لابس صعيدي دي ممكن نقول عليها أعلى درجات قطايف محشية ملوخية".

 
(1)

النقد

اعلان جميل و كلماته رائعه يرصل رساله من غير نكد

  • 13
  • 22

حياة الإخبارية

حياة الإخبارية